Shymkentte avtoparktiń basshysy jumys ornynda kóz jumdy
ShYMKENT. QazAqparat - Shymkentte avtoparktiń basshysy jumys ornynda kóz jumdy, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimetinshe, 70 jastaǵy dırektordyń máıiti qyzmet bólmesinen tabylǵan.
Oqıǵa ornyna ІІD-niń 4 qyzmetkeri men órt sóndirý qyzmetiniń 2 mamany jetip, mán-jaıdy anyqtaǵan.
«18 qańtar kúni saǵat 12:49-da OQO ІІD kezekshi bólimine Shymkenttiń óndiristik alańy aýmaǵyndaǵy «Avtobýs-Servıs» JShS ákimshilik ǵımaratynda órt bolǵany týraly habarlama túsken. Oqıǵa ornyna jetken tótenshe jaǵdaılar qyzmetkerleri qyzmet bólmesindegi tósenish jabdyǵy janyp, bir sharshy metrde órt bolǵanyn anyqtaǵan. Biraq seriktestik jumysshylary órt sóndirý qyzmetin shaqyrtpaǵan. Aldyn-ala boljam boıynsha órt temeki tuqylynan shyqqan» delingen TJD taratqan habarlamada.
