Shymkentte avtomattandyrylǵan tártipte 354 pedagog jumysqa qabyldandy

ShYMKENT. Qazaqparat - Shymkent qalasynyń ákimi Murat Áıtenov bilim basqarmasynyń basshysy J.Tájıevanyń bilim salasynda atqarǵan jumysy jóninde esebin tyńdady, dep habarlaıdy qalalyq ákimdiktiń baspasóz qyzmeti.

A.S.Pýshkın atyndaǵy №1 mektep-gımnazııasynda ótken esepti jıynnan aldyn qala ákimi qaladaǵy mektep basshylarymen kezdesip, bilim salasyndaǵy ózekti máselelerdi talqylady.

Sonymen qatar, Janat Arysbekqyzy qala ákimine jyl basynan beri atqarylǵan jumystar týraly baıandady. Basqarma basshysynyń sózinshe bıyl pedagogtardy jumysqa qabyldaýda irikteý tártibi avtomattyrylǵan júıede júzege asyrylǵan.

–Nátıjesinde, qabyldanǵan 354 pedagogtyń 121-i úzdik dıplommen, 125 magıstr jáne shet elde bilim alǵan 17 sapaly kadr irikteldi. Odan bólek, mektepterdi sapaly kadrmen qamtý maqsatynda joǵary oqý oryndarymen 5 jyl kóleminde pedagogtardy daıarlaý týraly memorandým túzildi,-dedi ol.

Óz esebinde J.Tájıeva «Teach For Shymkent» jobasy arqyly pedagogtardy damytý men JOO professor oqytýshy quramyn (ǵalymdar) mektepterge 0,25 oqý júktemesimen jumysqa tartýdy qolǵa alynǵanyn jáne pedagogtardy baspanaly bolýǵa jáne olarǵa kórsetilgen áleýmettik qoldaý týraly baıandady.

Basqarma basshysynyń esebin tyńdaǵan M.Áıtenov qala mektepterin zamanaýı jabdyqtarmen jaraqtalǵan STEM-zerthanasy, robototehnıka, hımııa, fızıka, bıologııa sekildi pán kabınetterimen baǵdarlamaǵa sáıkes qamtamasyz etýdi tapsyrdy.