Shymkentte avtokólik urlyǵymen aınalysqan qylmystyq top quryqtaldy
ShYMKENT. QazAqparat - Shymkentte avtokólikter urlyǵymen aınalysyp júrgen qylmystyq top ustaldy. Tergeý barysynda kúdiktilerdiń 7 urlyqqa qatysy bar ekeni anyqtaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe ustalǵandar kólikterdi negizinen túngi ýaqytta urlap júrgen. Jábirlenýshilerdiń biri polıtsııaǵa jazǵan aryzynda 3 qańtar kúni túngi ýaqytta Moldaǵulov kóshesindegi aýlasynda turǵan «VAZ» markaly avtokóligin belgisiz tulǵalar aıdap áketkeni týraly kórsetken. Osydan keıin tártip saqshylary jedel-izdestirý sharalarynyń nátıjesinde kúdiktilerdi qolǵa túsirdi. Olar Saryaǵash aýdanynyń aýmaǵynda urlanǵan avtokólikti satyp jatqan jerinen ustaldy. Seziktilerdiń tulǵalaryn anyqtaý barysynda olardyń Shymkent qalasynyń 1996 jáne 1998 jyly týǵan turǵyndary ekeni anyqtaldy. Bireýi buryn sotty bolǵan eken. Jaýap alý barysynda kúdiktiler avtokólikterdi buzyp kirip, urlanǵan kólikterdi satyp júrgenin aıtqan. Túsken tabysty óz qajettilikterine jaratyp kelipti. Al, jábirlenýshilerge keltirilgen shyǵynnyń kólemi 10 mıllıon teńgeni quraǵan.
Qazirgi tańda atalǵan jaıt boıynsha sotqa deıingi tergeý amaldary júrgizilip, kúdiktiler qamaýǵa alyndy. Aıǵaqty zattar tárkilenip, polıtseılermen ustalǵandardyń basqa da qylmysqa qatystylyǵy anyqtalýda.
