Shymkentte avtobýs júrgizýshisin urǵan adam ustaldy
28 qańtarda Qarataý aýdany polıtsııa basqarmasynyń krımınaldyq polıtsııa qyzmetkerleri jedel-izdestirý barysynda jolda týyndaǵan janjalda avtobýs júrgizýshisin urǵan adamdy izin sýytpaı anyqtap, ustady.
Polıtsııa qyzmetkerleri anyqtaǵandaı, «Volkswagen Golf» markaly avtokólik pen «Kia Comby» markaly avtobýstyń júrgizýshileri ózara joldy bólise almaı, saldarynan janjal týyndaǵan. «Volkswagen Golf» avtokóliginiń jolaýshysy avtobýs júrgizýshisiniń betinen birneshe ret soqqylap, jeńil kólik júrgizýshisi men jolaýshylary oqıǵa ornynan asyǵys ketip qalǵan. Jábirlenýshi bolǵan jaǵdaıdy tez arada polıtsııaǵa habarlaǵan.
Atalǵan jaıt Qylmystyq kodekstiń 293-baby 1-bóligi boıynsha sotqa deıingi tergep-tekserýdiń biryńǵaı tiziliminde tirkelgen. Saraptama taǵaıyndalǵan.
Ustalǵan azamat jergilikti turǵyn bolyp shyqty. Árekettiń onsha aýyr emestigin esepke ala otyryp, ol eshqaıda ketpeý týraly qolhatpen bosatyldy.
Shymkent qalasynyń polıtseıleri qala turǵyndary men qonaqtaryn jol júrý erejelerin múltiksiz saqtaýǵa, jol qozǵalysynyń qatysýshylaryn qurmetteýge shaqyrady.