Shymkentte avtobýs júrgizýshisi polıtseıdi qaǵyp kete jazdady
Shymkenttiń jergilikti polıtsııasynyń qyzmetkerleri erekshe reıd uıymdastyryp, júrgizýshilerdiń mamandandyrylǵan kólikterdi ótkizetinin, ne ótkizbeıtinin is júzinde tekserip kórdi. Tájirıbe úshin «jedel járdem» kóligi paıdalanyldy. Biraq feldsherdiń ornynda polıtsııa qyzmetkeri otyrdy. Arnaıy dabylqaqqyshy bar avtomobıl Shymkenttiń ortalyq kóshelerimen júrip ótti. Jol bermegen júrgizýshilerdiń erejeni buzý faktileri sol mezette kameraǵa jazylyp otyrdy.
Ereje buzǵandarǵa aıyppul salyndy. «Jarty saǵattyń ishinde mamandandyrylǵan kólikke jol bermegen 12 júrgizýshige qatysty ákimshilik hattama toltyrdyq», - dedi qalalyq jol-patrýldik polıtsııasy polk shtabynyń basshysy Sherzod Eshmatov.
Reıd kezinde júrgizýshilerge keńester berýge de týra kelgen. Polıtseıler daýys zoraıtqyshtardyń kómegimen júrgizýshilerge arnaıy kólikti ótkizý úshin ońǵa, ne solǵa burylǵany durys bolatynyn aıtyp otyrǵan.
Sondaı-aq avtobýs júrgizýshisiniń qatysýymen taǵy bir oqıǵa tirkelgen. Ol erejeni buzǵan kólikti toqtatyp jatqan polıtsııa qyzmetkerin «ilip» ketken. Arnaıy dabylqaqqyshy bar kólikterdi ótkizbegen júrgizýshiler 7 AEK kóleminde aıyppul tóleıtin boldy.
