Shymkentte avtobýs júrgizýshileri aıaldamada tóbelese jazdady
Áleýmettik jelide qoǵamdyq kólik júrgizýshileriniń eregisip turǵan vıdeosy tarady. Onda eki júrgizýshi jolaýshylardyń kózinshe bir-birimen tóbelese jazdaǵanyn kórýge bolady. Tipti, aıaldama mańynda keptelis týdyryp, ózge de kólikterdiń júrýine kedergi keltirgen.
«27 men 35 baǵyttaǵy avtobýs júrgizýshileri jumys ýaqytynda «razborka» jasap jatyr. Ne degen sumdyq»-deıdi vıdeo avtory.
«Máselelerińdi jumystan keıin sheshińder. Jolaýshylar jumysqa keshigip jatyr»,-degen jolaýshylardyń da narazylyǵyn estýge bolady.
Atalǵan máselege jaýap bergen Shymkent qalalyq jolaýshylar kóligi jáne avtomobıl joldary basqarmasy qos qoǵamdyq kóliktiń júrgizýshisine qatań shara qoldanatynyn málimdedi.
Al, jelide jarııalanǵan vıdeoǵa pikir bildirýshilerdiń birshamasy qoǵamdyq kólikterde júrgizýshiler tıisti erejelerdi saqtamaıtyndyǵyn jazǵan.
«Avtobýs júrgizýshileri adam tasyp júrgenderin umytyp ketedi», «Psıhologtar árbir júrgizýshimen jumys isteýi kerek», «Barlyq ýaqytta telefonda otyrady, grýppaǵa qosylyp alǵan, sonda ursyp otyrady» dep pikir bildirgenderde bar.