Shymkentte avtobýs júrgizgen Aıaz ata kópshiliktiń kóńilin kóterdi

ShYMKENT. QazAqparat - Aıaz atanyń keıpine engen shymkenttik avtobýs júrgizýshisi jolaýshylarǵa kóterińki kóńil-kúı syılady, dep habarlaıdy QazAqparat tilshisi.

Áleýmettik jelide taraǵan №113 baǵyttaǵy qoǵamdyq kólik júrgizýshisiniń áreketi kópshilikti súısintti. Avtobýs ishine shar men jyltyraqtar ilinip, bezendirilip qoıǵan ol jumysqa da Aıaz atanyń kıimin kıip shyqqan. Sondaı-aq, kólikke mingen kishkentaı balalarǵa taqpaq aıtqyzyp syılyqtar úlestirgen.

Júrgizýshiniń bul áreketi áleýmettik jelide keńinen talqylanyp jatyr. Oqyrmandar da túrli pikirler jazyp, kreatıvti ıdeıamen halyqqa qyzmet kórsetip júrgen janǵa rahmet aıtýda.

Olardyń ishinde «Krasavchık», «Jaraısyń», «Qoǵamda jaqsy adamdar kóp, sıqyrshylar», «Shymkent tań qaldyrýdan sharshamaıdy», «Ol qaı ǵalamshardan kelgen. Shymkenttik júrgizýshiler ashýlanshaq bolyp keledi» degen pikirler bar.

Vıdeodan alynǵan kadr