Shymkentte avtobýs tizgininde telefonmen sóılesken 39 júrgizýshige aıyppul salyndy

ShYMKENT. QazAqparat - Shymkent qalasynyń polıtsııa qyzmetkerleri 24-26 qyrkúıek aralyǵynda «Avtobýs» jedel aldyn alý is-sharasyn ótkizdi. Úsh kún ishinde 250-den astam jol júrý erejesin buzý faktisi anyqtaldy, dep habarlaıdy QazAqparat.

Qalalyq polıtsııa departamenti baspasóz qyzmetiniń málimetinshe, atalǵan is-sharanyń maqsaty - birinshi kezekte avtobýs júrgizýshileri arasynda jolda júrý tártibin arttyrý, avtobýstardyń tehnıkalyq jaǵdaıyn tekserý, marshrýtta júrgizýshilerdi medıtsınalyq tekserýden ótkizý jáne qujattardy tekserý.

Úsh kún ishinde Shymkent qalasynyń Jergilikti polıtsııa qyzmeti basqarmasynyń qyzmetkerleri jol júrý erejelerin saqtaý boıynsha júrgizýshilermen profılaktıkalyq áńgime ótkizdi.

«Avtobýs» jedel aldyn alý is-sharasy barysynda jolaýshylardy tasymaldaıtyn avtobýstardyń júrgizýshileri 259 ret jol júrý erejesin buzǵany anyqtady. Onyń ishinde: QR ÁQBtK-niń 571-baby (avtomobıl kóligimen tasymaldaýdy júzege asyrý kezinde tasymaldaýshynyń taýar-kólik júkqujatyn jol paraǵyn usynbaýy) -14; QR ÁQBtK-niń 590-baby 7-bóligi (tıisti ruqsatsyz qaıta jabdyqtalǵan kólik quralyn basqarý) – 1; QR ÁQBtK-niń 590-baby 9-bóligi (tehnıkalyq baıqaýdan ótpeý) – 3; QR ÁQBtK-niń 591-baby (uıaly telefon paıdalaný) – 39; QR ÁQBtK-niń 595-baby (manevr jasaý qaǵıdalaryn buzý) – 1; QR ÁQBtK-niń 612-baby 1-bóligi (saqtandyrý polıssiz basqarý) – 1; - Kólik quraldaryn paıdalanýǵa tyıym salý(aıypturaqqa qoıý) – 1.

Avtoparkterdiń qyzmetkerlerine qatysty QR ÁQBtK 617-baby boıynsha eki ákimshilik hattamadan toltyryldy.

Osyndaı is-sharalar jol-kólik oqıǵalarynyń sanyn azaıtýǵa múmkindik beredi.

Óz kezeginde jergilikti polıtsııa basqarmasynyń qyzmetkerleri jol qozǵalysynyń barlyq qatysýshylaryn jol júrý erejelerin múltiksiz saqtaýdy suraıdy.