Shymkentte avtobýs pen úsh kólik bir-birine soǵylyp qaldy
ShYMKENT. QazAqparat - Shymkentte avtobýs pen úsh kólik bir-birine soǵysyp qaldy. Abyroı bolǵanda jolaýshylary aman, dep habarlaıdy QazAqparat HAA tilshisi.
Oqıǵa kúndiz qalanyń ortalyǵynda bolǵan. Qonaev dańǵyly men Rysqulov kóshesiniń qıylysynda avtobýsty artqy jaǵynan «Toıota» kóligi soqqan. Artynsha «Toıotaǵa» «Aýdı» men «Hıýndaı kólikteri kelip soqtyǵysqan. Osydan keıin oqıǵa ornyna polıtsııa qyzmetkerleri kelip jetti. Sol jerde bolǵan kýágerlerdiń sózine qaraǵanda, jol kólik oqıǵasyna «Toıota» kóliginiń júrgizýshisi kináli bolǵan.
Jol apatynyń sebep-saldary men qansha shyǵyn kelgenin ishki ister basqarmasynyń qyzmetkerleri anyqtaıdy.
