Shymkentte avtobýs órtenip ketti
ShYMKENT. QazAqparat - Shymkentte avtobýs órtenip ketti. Búgin saǵat on jarymdar shamasynda qoǵamdyq kóliktiń janyp jatqanyn tártip saqshylary beınebaqylaý kamerasynan baıqap qalǵan, dep habarlaıdy QazAqparat tilshisi.
Oqıǵa ornyna aldymen jol patrýldik polıtsııa qyzmetkerleri jetken. Dereý avtobýstyń janyndaǵy joldy qorshap, órt sóndirýshilerdi shaqyrtypty. Belgili bolǵandaı «DonFen» markaly avtobýstyń ishki salony men motor bóligi janǵan.
Jalyndy aýyzdyqtaýǵa órt sóndirý jáne avarııalyq-qutqarý qyzmetiniń 16 mamany jáne 3 tehnıkasy jumyldyrylyp, jalyndy der kezinde sóndirip aldy. Tilsiz jaý saǵat 10.50-de aýyzdyqtalyp, saǵat 10.56-da tolyq óshirildi. Órtten eshkim zardap shekpegen. Avtobýstyń 17,5 sharshy metr jerin ot sharpydy.
Bastapqy boljam boıynsha órttiń shyǵýyna elektr jelisiniń qysqa tuıyqtalýy sebep bolǵan.
Ázirge belgilisi, 2014 jyly shyǵarylǵan avtobýs 22 baǵytta jolaýshy tasymaldap kelgen eken. Órt shyqqan kezde qoǵamdyq kólikte eki jolaýshy men júrgizýshi bolǵan.
Qazir birqatar saraptama taǵaıyndalyp, órttiń sebep saldary anyqtalýda.
