Shymkentte avtobýs qaǵyp ketkennen kóz jumǵandar sany bes adamǵa jetti

ShYMKENT. QazAqparat - Shymkentte basqarylmaıtyn avtobýs qaǵyp ketken taǵy bir adam qaıtys boldy, dep habarlaıdy QazAqparat OTYRAR-ǵa silteme jasap.

Jansaqtaý sharalaryna qaramastan, taǵy bir adam alǵan jaraqatynan kóz jumdy. Osylaısha, qurbandar sany 5 adamǵa jetti. Bul týraly Shymkent qalalyq densaýlyq saqtaý basqarmasynan habarlady.

Taǵy bir 18 jastaǵy qyz qalalyq klınıkalyq aýrýhanada jatyr. Dárigerlerdiń aıtýynsha, zardap shegýshi neırohırýrgııa bólimshesinde em qabyldap jatyr, jaǵdaıy turaqty.

Eske salaıyq, senbi, sáýirdiń 8-i kúni Báıterekov-Nazarbekov kósheleriniń qıylysynda júrgizýshiniń basqarýynsyz qalǵan avtobýs bóktermen tómen qaraı júrip ketip, qatty jyldamdyqpen 6 adamdy qaǵyp ketken bolatyn. Úsh adam oqıǵa ornynda, taǵy ekeýi aýrýhanada kóz júmdy. Bir boıjetken aman qaldy, qazir ol dárigerlerdiń baqylaýynda.