Shymkentte avtobýs qaǵyp ketken oqýshynyń jaǵdaıy belgili boldy

ShYMKENT. QazAqparat - Shymkentte avtobýs qaǵyp ketken oqýshynyń jaǵdaıyn dárigerler aýyr dep baǵalap otyr, dep habarlaıdy QazAqparat tilshisi.

«2010 jyly týǵan ul bala qalalyq balalar aýrýhanasyna jetkizildi. Onyń bas súıegi synyp, bas ishinde gematoma paıda bolǵan. Balanyń jalpy jaǵdaıy óte aýyr, turaqsyz. Ol jansaqtaý bóliminde jatyr»,

- delingen qalalyq densaýlyq saqtaý basqarmasynyń habarlamasynda.
Eske salsaq, jol-kólik oqıǵasy búgin bolǵan. Jolaýshylar avtobýsy oqýshyny baıqamaı, qaǵyp ketken.

Qalalyq polıtsııa jol apatynyń sebep-saldaryn tekserip jatyr.