Shymkentte avtobýs ǵımaratqa soqtyǵysyp qaldy
ShYMKENT. QazAqparat - Shymkentte baǵyttaǵy avtobýs ǵımaratqa soqtyǵysyp qaldy. Abyroı bolǵanda, zardap shekkender joq, dep habarlaıdy QazAqparat HAA tilshisi.
103 baǵyttaǵy avtobýs Túrkistan kóshesinde jol jıegine shyǵyp ketip, ǵımarattardyń birin qıratqan. Biraq qoǵamdyq kólikte jolaýshylar bolmaǵan.
Kólik júrgizýshisiniń sózinshe, oqys oqıǵa oryn alǵanǵa deıin avtobýstyń jylý júıesi isten shyǵyp qalypty. Dereý saqtyq sharalaryn qolǵa alyp, ol jolaýshylardy túgeldeı aıaldamaǵa túsirgen. Sóıtip jóndeý beketine bara jatqan tusta tejegishter isten shyǵady. Osydan keıin júrgizýshi adamdar joq jerdegi ǵımaratqa soǵyp, avtobýsty ózdiginshe toqtatqan.
Qazir oqys oqıǵa boıynsha tekserý sharalary júrgizilýde. Júrgizýshiniń árketteri saralanyp, qoǵamdyq kólik aıyp turaǵyna jetkizildi.
Aıta keteıik, sońǵy kezde shym shaharda qoǵamdyq kóliktermen bolǵan jol-kólik oqıǵalary jıilep ketti. 2 aqpan kúni Táýke han dańǵyly men Aımaýytov kósheleriniń qıylysynda №93 baǵyttaǵy avtobýs pen №77 baǵyttaǵy qoǵamdyq kólik soqtyǵysyp, saldarynan birneshe jolaýshylar zardap shekken edi.
