Shymkentte avtobýs apatqa ushyrap, 11 adam aýrýhanaǵa tústi

ShYMKENT. QazAqparat - Shymkentte jol-kólik oqıǵasynan 11 adam zardap shegip, aýrýhanaǵa tústi, dep habarlady jedel járdem aýrýhanasynan.

Táýke Han dańǵylynda №74-shi avtobýsqa «Toıota» kóligi kelip soǵylǵan. Káýegerlerdiń aıtýynsha, jeńil kólik kútpegen jerden atyp shyǵyp, joldyń qarsy betindegi qoǵamdyq kólikti soqqan. Soqqydan avtobýs jol jıegindegi aǵashty «uryp», aryqqa qulaǵan. Sonymen qatar, kóshe jaryqtaryn da qıratqan. Avtobýstyń esikteri ashylmaı, jolaýshylar terezeden túsýge májbúr boldy. Oqıǵa kezinde avtobýsta 40 adam kele jatqan.