Shymkentte aýyr naýqas balasyn býyndyryp óltirmek bolǵan áıel sottaldy
ShYMKENT. QazAqparat - Shymkentte aýyr naýqas balasyn býyndyryp óltirmek bolǵan áıel sottaldy. Oblystyq sottyń appelıatsııalyq alqasy 24 jastaǵy áıeldi 11 jyl 3 aıǵa jazasyn óteý týraly úkim shyǵardy, dep habarlaıdy QazAqparat HAA tilshisi.
Aıta keteıik, qaıǵyly jaǵdaı qaladaǵy balalar aýrýhanasynda bolǵan. Ondaǵy ata-analardyń biri bir kelinshektiń óz balasyn qylqyndyryp jatqanynyń ústinen túsip qalǵan. Dereý dárigerlerdi shaqyrtady. Tergeý barysynda Tursynaı esimdi kelinshektiń ishten shyqqan balasyn óltirmek bolǵany dáleldendi. Kúdikti óz jaýabynda qatty sharshap júrgenin, óziniń jasaǵan is áreketine jaýap bermeıtinin aıtqan. Bir jaǵynan balasy qatty qınalǵansha baqılyq bolǵany durys dep oılapty. Keıinnen sot-psıhıatralyq saraptama eki ret kelinshektiń aqyl-esi bútin degen qorytyndy shyǵardy. Sondyqtan sot balasyna qastandyq jasaǵan anany uzaq merzimge túrmege toǵytty.
