Shymkentte aýtızmge shaldyqqan balalardy qoldaý maqsatynda qaıyrymdylyq sharasy ótti

ShYMKENT. QazAqparat - Shymkentte dúnıejúzilik aýtızm týraly aqparat taratý kúnine arnalǵan aktsııa ótti. «Arda» qaıyrymdylyq qory uıymdastyrǵan sharaǵa Shymkent qalasynyń ákimdigi qoldaý kórsetti, dep habarlaıdy QazAqparat tilshisi.

Aýtızm dıagnozy qoıylǵan balalardy qoldaý maqsatynda uıymdastyrylǵan qaıyrymdylyq sharasy sherýmen bastaldy. 30-ǵa tarta balǵyn eki qabatty avtobýsqa minip, qalanyń ortalyq kóshelerimen serýendedi. Ál-Farabı alańynan bastalǵan serýen Túrkistan kóshesi, Qonaev jáne Báıdibek bı dańǵyldarynyń boıymen jalǵasty. Naýryz alańyna deıin jalǵasqan erekshe sherýdi baıker kóshi bastap júrdi. Jetkinshekter otyrǵan «Red bus» avtobýsy Shymkent kóshelerimen saltanatty sap túzip, beıbit kúnniń belgisin pash etti. Aktsııa «Panorama» meıramhanasynda jalǵasty. Onda aýtızm dıagnozy qoıylǵan balalar men ata-analary aq kógershinderdi kókke ushyryp, kontserttik baǵdarlamany tamashalady.