Shymkentte aýrýhana ishinen naýqas balalardy oqytatyn mektep ashyldy
ShYMKENT. QazAqparat - Shymkentte aýrýhana ishinen «Smart» mektep ashyldy, dep habarlaıdy QazAqparat tilshisi.
Asar móltekaýdanyndaǵy balalar aýrýhanasynda jańadan iske qosylǵan oqý ortalyǵynda oknologııalyq aýrýǵa em qabyldap jatqan balalar bilimin jetildire alady.
Sondaı-aq, kishkentaı patsıentter beıneleý óneri, jeńil qurylys jáne robototehnıka, aǵylshyn tili, qol óner, shahmat, doıby sııaqty synyptan tys úıirme sabaqtaryna qatysýǵa múmkindikteri bar.
Balalardyń jan-jaqty damýyna barlyq qolaıly jaǵdaılar men múmkindikter qarastyrylǵan.
Іs-sharaǵa qatysqan Shymkent qalalyq densaýlyq saqtaý basqarmasynyń basshysy Nurlybek Asylbekov tyń jobanyń júzege asýyna sáttilik tiledi.
«Onkogematologııada em alatyn balalarymyz úshin bul zor múmkindik boldy. Óıtkeni balalardyń psıhologııalyq-emotsıonaldy deńgeıin kóterýge, emdeýge bul oqý ortalyǵy kóp kómegin berer degen úmittemin»-deıdi qalalyq densaýlyq saqtaý basqarmasynyń basshysy Nurlybek Asylbekov.
Aıta keteık, qaıyrymdylyq jobasy «Help Today» qoǵamdyq qory arqyly júzege asyp otyr.
Foto: Shymkent qalasy densaýlyq saqtaý basqarmasy
