Shymkentte aýlada oınap júrip joǵalǵan 6 jasar qyz saýda ortalyǵynan tabyldy
ShYMKENT. QazAqparat - Shymkenttik polıtseıler joǵalǵan balany taýyp, ata-anasyna din-aman tapsyrdy, dep habarlaıdy QazAqparat.
Ál-Farabı aýdany polıtsııa basqarmasynyń «102» arnasyna keshki saǵat 18:50-de jergilikti turǵyn aryzdanǵan.
Ol onda, alty jasar qyzynyń úı aýlasynda oınap júrip, belgisiz baǵytqa joǵalyp ketkenin aıtqan.
Alty jasar qyzdy tabý úshin Shymkent qalasy polıtsııa departamentiniń bastyǵy, polıtsııa general-maıory Eraly Jýmahanbetovtyń dabyl qaǵýymen ál-Farabı aýdandyq polıtsııa basqarmasyna tapsyrma berildi.
Іzdestirý is-sharasyna tıisti basqarmanyń barlyq jeke quramy jumyldyryldy.
Tártip saqshylary aýlalardy tekserip, turǵyndardan joǵalǵan qyz týraly surastyrdy.
Sondaı-aq, kınologııanyń qyzmettik ıtterimen izdestirildi.
Jedel izdestirý sharalarynyń nátıjesinde keshki saǵat 20:00 de jergilikti polıtsııa qyzmeti ıývenaldy polıtsııa bólimi ınspektorlary «Naýryz» shaǵynaýdanyndaǵy «Nauryz Park» saýda ortalyǵynan alty jasar qyzdy aman-esen taýyp, ata-anasyna jetkizdi.
Óz kezeginde shymkenttik polıtseılerdiń jedel áreketine rıza bolǵan qyzdyń ata-anasy alǵysyn aıtty.
Osy oraıda shymkenttik polıtseıler ata-analardy balalaryna saq bolýǵa shaqyrady.
