Shymkentte aýdandyq jergilikti polıtsııa qyzmetiniń basshysy bıýdjet qarjysyn jymqyrdy dep aıyptalýda
ShYMKENT. QazAqparat - Shymkentte polıtseıler bıýdjet qarjysyn jymqyrdy dep aıyptalýda. Ál-Farabı aýdandyq soty Aýdandyq ishki ister basqarmasy jergilikti polıtsııa qyzmetiniń bastyǵyn ýaqytsha tergeý abaqtysyna qamaý týraly sheshim shyǵardy, dep habarlaıdy QazAqparat HAA tilshisi oblystyq kirister departamentiniń baspasóz qyzmetine silteme jasap.
Tergeý barysynda kúdiktiniń laýazymdy qyzmetker bola uıymdasqan qylmystyq toptyń quramyna enip, jumyssyzdardy áleýmettik qorǵaýǵa bólingen bıýdjet qarajattaryn júıeli túrde ári uzaq merzimde jymqyryp júrgeni anyqtalǵan. Qazirgi tańda qoldy bolǵan qarjylardyń somasy naqtylanýda.
Aıta keteıik, buǵan deıin osy toptyń 45 jastaǵy jetekshisi men músheleri ustalǵan bolatyn. Onyń úıi men BMV H5 kóligin tintý barysynda 180 bank kartasy men jeke kásipkerlerdiń 88 móri, azamattardyń 22 tólqujaty men 21 eńbek kitapshasy, sondaı-aq altyn buıymdar tabylǵan. Qazirgi tańda qylmysqy qatysy bar degen kúdiktiler tergeý abaqtysyna qamalyp, olardan jaýap alynyp jatyr.
