Shymkentte aýa temperatýrasy 45 gradýsqa jetti
ShYMKENT. QazAqparat - Shymkentte aýa temperatýrasy 45 gradýsqa deıin kóterildi, dep habarlaıdy QazAqparat tilshisi.
Qala turǵyndary aptap ystyqtan qorǵanýdyń túrli ádisterin paıdalanýda. Biri mı qaınatar ystyqtan qolshatyrdyń astynda tyǵylsa, keıbireýler muzdaı sýsyndar iship, qaladaǵy sýburqaqtarǵa shomylyp jatyr.
Aýa temperatýrasynyń joǵarylaýy saldarynan aýrýhanaǵa habarlasyp jatqan adamdardyń da sany kúrt ósti. Ótken aptada óńirdegi termometr baǵany 35-37 gradýsty kórsetip turǵan kezde jedel járdem stansalary qalypty túrde jumys jasaǵan. Al bul kúnderi kúsheıtilgen rejimde qyzmet kórsetýge májbúr.
«Táýligine 1800 qońyraý túsedi. Naýqastar tumaý men jedel respıratorly vırýstyq ınfektsııadan kúdiktenip habarlasyp jatady, al keıbir turǵyndardyń qan qysymy joǵarylap ketken. Biz der kezinde, tolyqtaı kómek kórsetýge tyrysyp jatyrmyz», - dedi oblystyq Densaýlyq saqtaý basqarmasyndaǵylar.
Sınoptıkterdiń málimetinshe, aptap ystyq bir-eki kúnniń ishinde basylatyn bolady.
«Shymkentte búgin jáne erteń 40-45 gradýsqa deıin kún ysıdy. Arǵy kúni 36-38 gradýsqa túsedi. Dál osyndaı aýa temperatýrasy 15 shildege deıin saqtalady», - dep eskertti «Qazgıdromet» AQ-nyń Ońtústik Qazaqstan oblysy boıynsha fılıalynyń ókili.
