Shymkentte aýa raıynyń qolaısyzdyǵynan baǵdarshamdar sónip, kólik qozǵalysy qıyndady
ShYMKENT. QazAqparat - Shymkentte aýa raıynyń qolaısyzdyǵynan baǵdarshamdar sónip qalǵan. Túndegi qatty jel men nóser jaýynnan kólik qozǵalysyn rettegish quraldardyń basym bóligi istemeı tur. Qalanyń Jergilikti polıtsııa bastyǵy Danııar Meırhannyń sózinshe, 13 kóshe qıylysyndaǵy qozǵalysty tártip saqshylary retteýde, dep habarlaıdy QazAqparat HAA tilshisi.
Al, Shymkent qalalyq jolaýshylar kóligi jáne avtomobıl joldary bóliminiń basshysy Qýatjan Jumataev qazir qansha baǵdarshamnyń isten shyqqanyn anyqtap jatyrmyz deıdi.
Turǵyndar áleýmettik jelilerde Ortalyq Táýke han dańǵyly men Báıdibek bı, Rysqulov pen Ótegenov, Ilıaev pen Mangeldın kóshelerinde kólikter baǵdarshamsyz júrip jatqanyn jarysa jazýda. Bireýler halyq abdyrap, kólikter jol erejelerin buzyp júrip jatqanyn aıtyp kórsetken.
Jańbyrdan kósheler de sýǵa tolyp, qolaısyzdyqtar týǵyzyp otyr.
Bul rette Jergilikti polıtsııa basqarmasynyń bastyǵy Báıdibek bı dańǵylyndaǵy kólik qozǵalysy úsh saǵatqa toqtatylatynyn habarlady. Sebebi, Tólemetov kóshesi sýǵa tolyp, onda sý sorý jumystary júrgizilmek. Ázirge jol Tólemetov kóshesinen Báıdibek bı eskertkishine deıin jabylatyny eskertildi. Sondyqtan júrgizýshiler basqa joldarmen júrip ótýi qajet.
