Shymkentte aýa raıyna baılanysty birneshe áýe reısteri toqtatyldy
ShYMKENT. QazAqparat - Shymkentte aýa raıynyń qolaısyzdyǵynan birneshe áýe reıster» toqtatyldy, dep habarlaıdy QazAqparat tilshisi.
«Skat» áýe kompanııasy baspasóz qyzmetiniń málimetinshe, kesheden beri bes baǵyt boıynsha jolaýshylar tasymaldanbaı jatyr.
Áýe kompanııasy ókiliniń sózinshe, qatty tuman men qar áýedegi qozǵalysqa kedergi bolýda. Sonyń saldarynan ushaqtar áli de ushpaı tur.
«Aýa raıynyń qolaısyzdyǵynan Shymkent -Almaty, Almaty-Shymkent, Shymkent-Astana, Astana-Shymkent jáne Almaty - Sıan baǵyttary boıynsha reıster toqtap tur. Ol baǵyttar boıynsha barlyq jolaýshylarǵa áýejaılarda ystyq tamaq pen barlyq qolaıly jaǵdaılar jasalǵan. Áýe kompanııasynyń basshylyǵy barlyq jolaýshylardan keshirim suraı otyryp, jaǵdaıǵa túsinistikpen qaraýǵa shaqyrdy. Sebebi, áýe kompanııasy aýa raıyna áser ete almaıdy» delingen habarlamada.
Óz kezeginde áýe reısteriniń toqtap turǵanyn jolaýshylar da áleýmettik jelilerge jazýda. Degenmen búgin tuman birshama seıilip, aýa raıy qalpyna kele bastady.
