Shymkentte atyshýly qylmystyq iske núkte qoıyldy
ShYMKENT. QazAqparat - Shymkentte atyshýly qylmystyq iske núkte qoıyldy. Túngi klýbta kisi óltirgenderge qatysty sot úkim shyǵardy, dep habarlaıdy QazAqparat HAA tilshisi.
«Pandora» túngi klýbynda 23 jastaǵy Baýyrjan Egemberdıevti atyp óltirgenderge aýyr jaza taǵaıyndaldy. Oblystyq qylmystyq ister jónindegi mamandandyrylǵan aýdanaralyq soty basty kúdikti retinde ustalǵan Asyl Nurdildaevty 17 jylǵa bas bostandyǵynan aıyrdy. Ol jazasyn qatań tártiptegi túrmede óteıtin bolady. Al onyń úsh sybaılasy 6 jyl jaza arqalady.
Úkimdi oqyp bergen sýdıa Aıjan Medeýbekova tergeý barysynda polıtsııa qyzmetkerleri tarapynan birqatar kemshilikter oryn alǵanyn atap ótti. Osyǵan oraı óńirdiń Іshki ister departamentine tıisti hat joldanatynyn jetkizdi.
Al mundaı jazany kútpegen aıyptalýshylardyń týystary sot ǵımaratynda shý kóterip, daý shyǵardy.
Eske salaıyq, qylmystyq oqıǵa ótken jyldyń qazan aıynda oryn alǵan bolatyn. Túngi tórtter shamasynda túngi klýbta atys bolyp, jas jigit qaza tapqan edi. Keıinnen osy qylmysqa qatysy bar degen tórt kúdikti ustalyp, tergeý sharalary birneshe aıǵa sozyldy.
