Shymkentte atys qarýyn asynǵan azamat ustaldy
ShYMKENT. QazAqparat - Shymkentte tún ortasynda qarý alyp júrgen otyz jastaǵy azamat polıtsııa qyzmetkerlerine ustaldy. Qonaq úılerdiń biriniń aldynda kóliginde jalǵyz otyrǵan Lengir qalasynyń turǵyny patrýldik polıtsııadaǵylardyń nazaryna ilikken, dep habarlaıdy QazAqparat tilshisi.
Qujattaryn tekserýge toqtaǵandardy kórgende kúdikti typyrlap, qýystana bastaǵan. Áreketi kúmán týdyrǵan azamattyń kóligi tekserilip, júk salǵyshyn ashqan ýaqytta, 16-shy kalıbrli atys qarýy shyqqan. Tergeý toby shaqyrylyp, 1986 jylǵy azamat polıtsııa bólimine jetkizilgen.
Júrgizýshi polıtseılerge «Meniń kóligime myltyqty kim salǵanyna ózim de tańmyn» - dep jaýap bergen.
Erlan Júnisbaıuly
