Shymkentte atasy men anasyn óltirgen jigit sottaldy

ShYMKENT. QazAqparat - Shymkentte atasy men anasyn pyshaqtap óltirgen jigit sottaldy. Qalalyq Qylmystyq ister jónindegi aýdanaralyq soty 24 jastaǵy aıyptalýshyny 15 jylǵa bas bostandyǵynan aıyrdy, dep habarlaıdy QazAqparat tilshisi.

Aıta keteıik, jurttyń jaǵasyn ustatqan qandy qylmys jeti aı buryn bolǵan edi. Qumar oıyndarǵa kirip ketken aıyptalýshy 70 jastaǵy atasymen sózge kelip qalǵan. Olardy 45 jastaǵy anasy ajyratpaq bolǵan. Osy kezde ashýǵa býlyqqan jigit ekeýin de pyshaqtap tastaǵan.  Polıtsııa qyzmetkerleriniń jedel-izdestirý is-sharalarynyń nátıjesinde kúdikti ustalyp, kinásin tolyq moıyndaǵan. Jeti aıǵa sozylǵan tergeý barysynda onyń qylmysy tolyq dálelin tapqan bolatyn.

 «Sot úkimimen aıyptalýshy Qymmystyq kodekstiń 99-babynyń 2-bóligi 1,5 tarmaqtarymen kináli dep tanylyp, 15 jylǵa sottaldy» delingen habarlamada.