Shymkentte ata-anasynyń qaraýynsyz qalǵan eki búldirshin 4-qabattan qulap ketti

ShYMKENT. QazAqparat- Shymkentte ata-anasynyń qaraýynsyz qalǵan eki búldirshin 4-qabattan qulap ketti, dep habarlaıdy QazAqparat tilshisi.

Alǵashqy jaǵdaı, Ál-Farabı aýdanyna qarasty №17 shaǵyn aýdanynda boldy. 5 qabatty turǵyn úıdiń 4-qabatynan bir jastaǵy búldirshin qulap, aýrýhanaǵa jetkizildi.

Al, ekinshi oqıǵa Turan aýdanyna qarasty Sport shaǵyn aýdanynda boldy. Munda da 5 qabatty turǵyn úıdiń 4 qabatynan 4 jastaǵy er bala qulap, aýrýhanaǵa jetkizildi. Qos búldirshinniń de jaǵdaıy aýyr. Jansaqtaý bólimine jatqyzylǵan.

«Jalpy jyl basynan beri Shymkentte balalardyń terezeden qulaý jaǵdaıy boıynga 6 fakti tirkeldi. Onyń ishinde eki bala qaıtys boldy. Barlyq oqys oqıǵalarda búldirshinder ata-anasynyń qaraýynsyz qalǵan. Sondyqtan, ata-analardan balalardy qaraýsyz qaldyrmaý kerektigin eskertemiz» delingen Shymkent qalasy TJD qoǵammen baılanys toby taratqan aqparatta.