Shymkentte astyrtyn spırt óndiretin zaýyt anyqtaldy

ShYMKENT. QazAqparat –Shymkentte spırtti qaıta óndiretin astyrtyn zaýyt qyzmetiniń joly kesildi. Bul týraly QazAqparat Qarjylyq monıtorıng agenttigine silteme jasap habarlaıdy.

Qazaqstan Respýblıkasy Qarjylyq monıtorıngi agenttiginiń Shymkent q. boıynsha Ekonomıkalyq tergep-tekserý departamentiniń qyzmetkerleri spırtti qaıta óndiretin zaýyt qyzmetiniń jolyn kesti.

Zańsyz áreket Shymkent qalasy kásiporyndardyń biriniń óndiristik aımaǵynda satyp alynǵan 70 lıtr spırt qosylǵan suıyqtyq bar avtokólikti ustaý kezinde anyqtaldy.

Aımaq aýmaǵyn tekserý barysynda taǵy 25 tonna sýrrogat alkogol ónimi tabylyp tárkilendi, sarapshylar ony 35 mln teńgege baǵalaıdy.

Shymkent q. Qarataý aýdandyq sotynyń úkimimen kásiporyn basshysy 1 jylǵa bostandyǵyn shekteı otyryp, zańsyz kásipkerlikpen aınalysqany úshin kináli dep tanyldy.

Tárkilengen zattaı dáleldemeler memleket kirisine aınaldyryldy.