Shymkentte Astana turǵynynan 14 mln teńge salynǵan sómkeni tartyp almaqshy boldy
ShYMKENT. QazAqparat - Shymkenttiń polıtseıleri kólikte otyrǵan áıeldiń sómkesin kúshtep tartyp alýǵa tyrysqan kúdiktilerdi izin sýytpaı qolǵa túsirdi, dep habarlaıdy QazAqparat oblystyq ІІD-niń baspasóz qyzmetine silteme jasap.
4 maýsymǵa qaraǵan túni Shymkent polıtsııasyna belgisiz bireýlerdiń Astana qalasynyń turǵynyna shabýyl jasaǵandary týraly habar túsken. Jas jigiter kólikte otyrǵan áıelden 14 mıllıon teńge aqsha salynǵan sómkesin tartyp almaqshy bolǵan. Qylmyskerlerge kólik júrgizýshisi kedergi keltirgen. Alaıda olar júrgizýshini pyshaqtap, oqıǵa ornynan jasyrynǵan.
Aýyr haldegi er adam oblystyq aýrýhanalardyń biriniń jansaqtaý bólimine jetkizildi. Atalmysh fakti QR QK «qaraqshylyq» jáne «adam óltirýge oqtalý» baptary boıynsha sotqa deıingi tergeýdiń biryńǵaı tizilimine tirkeldi.
Qazirgi ýaqytta qaraqshylyq shabýyl faktisi boıynsha sotqa deıingi tergeý amaldary júrgizilip jatyr. Kúdiktiler sottaldy. Polıtseıler istiń barlyq mán-jaıyn jáne ustalǵandardyń ózge qylmystarǵa qatystylyǵyn tekserip jatyr.
