Shymkentte áskerı qyzmetshilerge páter kilti tabystaldy

NUR-SULTAN. QazAqparat - Otan qorǵaýshylar kúnine oraı baspanaly bolǵandar 19 adam - 6506 «Ulttyq ulan» áskerı bóliminiń qyzmetshileri. Olar qaladaǵy «Turan» shaǵynaýdanynda turǵyzylǵan sý jańa turǵyn úılerge qonystandy, dep jazady Otyrar.kz.

Jańa páterdiń ıesi - Gúljan. Ol bul qonys toıdy 5 jyl asyǵa kútti. 5 jylǵa jýyq áskerde medbıkelik qyzmet atqaryp, kásibı merekesine oraı baspanaly boldy. 3-bólmeli páterge qol jetkizgen boıjetken qýanyshyn jasyra almady. Endi áriptesterimen tek qyzmettes emes, kórshi bolmaq.

6506 áskerı bóliminiń medıtsınalyq bólim basshysy, aǵa leıtenant Gúljan Qýatova: «Búgin men úshin qýanyshty kún. Qansha jylǵy armanyma qol jetkizdim. Baspanaly boldym. Bul men úshin túlken qýanysh», - deıdi.

Qarýly kúshterdiń qurylý kúnine oraı Gúljanmen birge 19 áskerı baspanaly boldy. Olar páterge turǵyn úı tólemderin alýshylar kezegi arqyly qol jetkizgen.

TÚQJB-i fılıaly dırektorynyń orynbasary Qýatbek Qospanov: «Bul jerde paıyzdyq mólsherlemesi 8 paıyzben. Alǵashqy jarnasy 15 paıyzdan joǵary. Nesıe maksımaldy 19 jylǵa berildi», - deıdi.

Aıta ketý kerek, áskerı qyzmetkerler bul jeńildetilgen nesıege qaltalary juqarmaıdy. Dáliregi, memleket aı saıynǵy jalaqylarynan bólek, úı aqysyn da ótep otyrady eken.

Oblys boıynsha turǵyn úı kezeginde búginde 7 500 adam bar. Bıyl dál osy «Turan» shaǵynaýdanynda 500 adamǵa páter qarýly kúshter qyzmetkerlerine úlestiriledi dep josparlanýda.