Shymkentte ashyq turǵan terezeden sábıdi qutqarǵan jigitterdiń áreketi kópshilikti súısintti

ShYMKENT. QazAqparat - Shymkentte ashyq turǵan terezeden sábıdi qutqarǵan jigitterdiń áreketi kópshilikti súısintti, dep habarlaıdy QazAqparat tilshisi.

Oqıǵa Shymkent qalasyndaǵy kópqabatty turǵyn úılerdiń birinde bolǵan. Ekinshi qabattaǵy ashyq turǵan terezeniń jaqtaýynda otyrǵan búldirshindi kórgen kópshilik, birden kómek berýge umtylǵan. Kýágerlerdiń túsirgen vıdeosynan jasóspirim jigittiń temir tor arqyly ekinshi qabatqa órmelep shyǵyp, búldirshindi qaýipsiz jerge alyp ketkenin kórýge bolady.

Al, jelidegi jazbaǵa pikir bidirýshiler, sábıin qaraýsyz qaldyryp ketken ata-anasyn jazalaý kerektigin aıtsa, keı oqyrmandar jas jetkinshekterdiń batyldyǵyna rızashylyqtaryn bildirip, alǵys aıtqan. Arasynda «Kvartıra qutty bolsyn!» dep ázildegender de bar.

Aıta keteıik, Shymkent qalasy TJD –ne bul oqıǵa týraly eshqandaı habar túspegen.

Vıdeodan alynǵan kadr