Shymkentte ashyq aspan astyndaǵy mýzeı ashylady
«Shymkent qalasynyń týrızmin damytýdyń úsh negizgi baǵyty bar. Aldymen qalanyń ınfraqurylymyn ilgeriletý, ıaǵnı bar nysandardy odan ári damytyp jáne jańa nysandar turǵyzý. Ekinshiden, týrónimder men olardyń serıvısin jetildirý. Jáne úshinshi kezekte týrızmdi dáripteý ıaǵnı marketıngtik qadam arqyly ishki týrızmge jarnama jasaý. Infraqurylym boıynsha basty jańalyqtardyń biri jańa áýejaı salynýda, ol keler jyldyń alǵashqy jarty jyldyǵynda paıdalanýǵa beriledi. Sondaı-aq, QTJ-nyń birlesip temir jol vokzaly kúrdeli jóndeýden ótedi. Bul jumystar óz kezeginde qalamyzǵa týrıster tartýdyń oń qadamy bolyp tabylady», - deıdi T.Ahmetov.
Onyń aıtýynsha, jańadan salynatyn týrıstik nysandardyń negizgi bóligi jeke ınvestorlardyń qarjysymen júzege asyrylady.
«Odan bólek, jańa týrıstik nysandar salý qolǵa alynýda atap aıtqanda kóne qala ornynda tarıhı aspan asty mýzeıi ashylatyn bolady. Bul joba qazir júrip jatyr, kelesi jyly paıdalanýǵa berý josparlanýda. Ol jerde mýzeıden bólek tolyq týrıstik keshen jasalady. ıAǵnı, demalýǵa jáne túrli mádenı is-sharalar ótkiziletin oryndar bolady. Qalalyq týrızmdi damytýda kóne qala ornynyń mańyzy zor, sebebi ol óńirlik jáne respýblıkalyq mańyzy bar týrıstik 50 nysannyń ishinde kirip otyr. Statıstıkalyq málimetterge qaraǵanda, ótken jyly qalaǵa ótken jyly 178 014 týrıst kelgen. Endi jospar 2025 jylǵa deıin týrısterdiń sanyn 1 mln-ǵa jetkizý», - dedi ol.
Sonymen qatar, basqarma basshysy Shymkentte týrısterge arnalǵan aqparattyń portaldyń ázirlenip jatqanyn jetkizdi.
«Іshki týrızmdi onyń ishinde qalalyq týrızmdi damytý jolyndaǵy taǵy bir qolǵa alynyp jatqan jumystardyń biri ol aqparattandyrý. Bul baǵytta bıyl jyldyń sońynda qalanyń týrıstik portalyn iske qosýdy josparlap otyrmyz. Onyń ishinde týrıstik oryndar, olarǵa jetý múmkindikteri men basqa da aqparattar ornalasady. Odan bólek, mobıldi qosymsha ázirleý josparda bar. Testileý rejiminen sátti ótse, ústimizdegi jyldyń sońyna deıin qoldanysqa engiziledi», - dedi ol.
Aıta ketsek, «Kazakh Tourism» ulttyq kompanııasynyń muryndyq bolýymen elimizde onkúndik aqparattyq týr ótip jatyr. Maqsaty - ishki týrızmniń potentsıalyn arttyrý jáne dáripteý. Aqparattyq týrǵa elimizdiń batys óńirlerinen atap aıtqanda Atyraý, Aqtóbe, BQO jáne Mańǵystaý oblystaryndaǵy týrıstik agenttik ókilderi qatysýda. Olar shara barysynda Nur-Sultan, Almaty, Shymkent qalalary men Almaty, Túrkistan, ShQO jáne Aqmola oblystarynyń týrıstik nysandary men saýyqtyrý keshenderiniń jumysymen tanysa otyryp ózara tájirıbe almasady.