Shymkentte Asanbaı Asqarov atyndaǵy halyqaralyq týrnır aıaqtaldy
ASTANA. QazAqparat - Shymkentte bir aptaǵa sozylǵan kókpar, aýdaryspaq, teńge ilý jáne jamby atýdan ótken halyqaralyq týrnır márege jetti, dep habarlaıdy QazAqparat ulttyqsport.kz saıtyna silteme jasap.
Segiz komanda arasyndaǵy dúbirli básekede ońtústikqazaqstandyq sportshylardyń desi basym boldy.
Eske salyp ótsek, kórnekti memleket jáne qoǵam qaıratkeri Asanbaı Asqarov atyndaǵy bul týrnır bıyl alǵash ret halyqaralyq deńgeıde uıymdastyrylyp, ulttyq sport túrlerinen ótken aıtýly dodaǵa Qytaıdyń ShUAR Іle-Qazaq oblysynyń komandasy, Ózbekstan Respýblıkasy men Mońǵolııa eliniń sportshylary qatysty. Kókpardan HІІІ márte, aýdaryspaqtan V márte, teńge ilý men jamby atýdan alǵashqy ret jalaý kótergen jarys Shymkent qalasynyń Ortalyq atshabaryn apta boıy dýmanǵa bóledi.
Osy halyqaralyq týrnır barysy ulttyq sportymyzdyń ýaqyt ozǵan saıyn órisin keńeıte túskenin jáne bir aıqyn ańǵartqandaı boldy. Qytaıdyń ShUAR Іle-Qazaq oblysyndaǵy Qorǵas qalasynan kelgen, quramy kileń saıdyń tasyndaı qazaq jigitterinen jasaqtalǵan «Qazanat» kókpar komandasy júldeli orynǵa qol jetkizbegenimen elimizdiń áıgili komandalarymen ıyq teńestire saıysyp, jankúıerler aıyzyn qandyrdy. Al, aýdaryspaqtan ózbekstandyq Almar Hodjaev bizdiń balýandarmen arystandaı alparysyp, aqyrynda úshinshi orynǵa taban tiredi. Jamby atýda mońǵolııalyq mergen Dýnchýk Othonbııamba da jebesin jelge ushyrmaı, qola júldeger atandy.
Kókpardan HІІІ ret ótken týrnır jeńimpazdary men júldegerleri:
1 oryn - Ońtústik Qazaqstan oblysy
2 oryn - Jambyl oblysy
3 oryn - Almaty oblysy
4 oryn - Atyraý oblysy
5 oryn - Maılykent-Túlkibas (OQO)
6 oryn - Ózbekstan Respýblıkasy
7 oryn - QHR ShUAR Іle-Qazaq oblysy
8 oryn - Aqtóbe oblysy
Aýdaryspaqtan V ret ótken týrnır jeńimpazdary men júldegerleri:
• oryn- Qosalıev Birjan (OQO)
• oryn - Іzbasarov Syrym (OQO)
• oryn - Hodjaev Almar (Ózbekstan)
Teńge ilýden І ret ótken týrnır jeńimpazdary men júldegerleri:
1 oryn - Іzjanov Ǵalymjan (OQO)
2 oryn - Saparbek Maǵjan (OQO)
3 oryn -Jákishev Berdiǵalı (Aqtóbe)
Jamby atýdan І ret ótken týrnır jeńimpazdary men júldegerleri:
1 oryn- Aıkóz Eralhan (OQO)
2 oryn- Eldos Badashev (Jambyl oblysy)
2 oryn - Dýnchýk Othonbııamba (Mońǵolııa)
