Shymkentte ardagerler ardaqtaldy
ASTANA. QazAqparat - Azat el ardagerlerin ardaqtady. Shymkenttegi Abaı aýdany ákimdigi óz aýmaǵyndaǵy soǵys ardagerlerin Táýelsizdik toıymen quttyqtady, dep habarlaıdy qala ákimdiginiń baspasóz qyzmeti.
Aýdan basshysy qan maıdan kýágerleriniń úılerine baryp, arnaıy quttyqtaý haty men merekelik syılyqtaryn tabys etti. Aıtyp ótý kerek, bul sharadan osy aýdanda turatyn birde-bir qarııa qalys qalmady. Qarııalarǵa qurmet kórsetý úshin jınalǵan top aldymen, Abylaı aqsaqaldyń úıine bardy. Ómiriniń kóktemin ot pen oqtyń arasynda ótkizgen maıdanger qazir - 92 jasta. 8 jyly sergeldeńmen ótken qart ózin quttyqtaı kelgenderge alǵysyn aıtyp, aq tilegin jetkizdi.
Jastyq jalynyn soǵys jalmaǵan jannyń endigi tilegi - Táýelsizdigimizdiń turǵyrly bolýy. 220 myńnan astam turǵyny bar aýdanda 26 soǵys ardageri turady. Táýelsizdik merekesi qarsańynda solardyń eshbiri nazardan tys qalmaq emes. Ol úshin aýdan bıligi kásipkerlerdiń basyn qosyp, ardagerlerdi ardaqtaý sharasyn qolǵa alǵan.
Abaı aýdany ákiminiń orynbasary Gúlsara Tashımovanyń aıtýynsha, Táýelsizdiktiń 25 jyldyǵyna baılanysty qazir kúndelikti is-sharalar ótip jatyr. Sol is-sharalardyń qatarynda qaıyrymdylyq aktsııalary da bar. Al, mynandaı qaıyrymdylyq aktsııasyna kásipkerlerdi tartyp jatqan kórinedi.
Qarııalarǵa qurmet tek bir kúnmen shektelmeıdi. Óıtkeni, búgingi urpaq úshin óz bastaryn qaterge tikken tulǵalardyń erligin erteńgi urpaqqa dáripteý - búginginiń paryzy.
