Shymkentte ardagerdi avtobýstan qýyp shyqpaq bolǵan kondýktor da, júrgizýshi de jumystan qýyldy
ShYMKENT. QazAqparat - Shymkentte ardagerdi avtobýstan qýyp shyqpaq bolǵan kondýktor men júrgizýshi jumystarynan qýyldy. Bul týraly qalalyq ákimdiktiń Instagram áleýmettik jelisindegi resmı paraqshasynda jarııalandy, dep habarlaıdy QazAqparat HAA tilshisi.
«Shymkentte N70 avtobýsta bolǵan keleńsizdikke baılanysty tekserý júrgizildi. Sonyń nátıjesinde osy avtobýstyń júrgizýshisi de, kondýktory da jumystan qýyldy. Qazirgi tańda jolaýshy tasymaldaýshy kompanııa qyzmetkerlerine jolaýshylarǵa dórekilik kórsetken qyzmetkerler jazalanatyny eskertilgen», - delingen paraqshada.
Eske salaıyq, Shymkenttegi qoǵamdyq kóliktiń kondýktory soǵys ardagerin avtobýstan qýyp shyqpaq bolǵan. Bul jaǵdaıdy ózge jolaýshylar uıaly telefonǵa túsirip alyp, áleýmettik jelige salǵan. Onda kondýktordyń zeınetkerge dórekilik kórsetip, avtobýstan túsirip jibermek bolǵan edi. Uly Otan soǵysyna qatysýshy degen kýáligin kórsetkenine qaramastan kondýktor ony avtobýstan qýyp shyǵýǵa tyrysqan. Tipti oǵan dórekilik kórsetip, kúsh kórsetemin dep qorqytady. Alaıda jolaýshylardyń biri araǵa túsip, qarııaǵa jol aqysyn tóleıdi.
Prıvet admın, opýblıkýı vot eto vıdeo. Intsıdent proızoshel v Shymkente v avtobýse N70, veteran VOV pokazal etoı tvarı kondýktorshe ýdostoverenıe ýchastnıka VOV, tem samym ýkazyvaıa na besplatnyı proezd v obşestvennom transporte, na chto kondýktorsha prosto vzbesılas ı ýnızela, oskorbıla dedýshký😡😡😡
