Shymkentte ár eldimekenge bir emhana salý qolǵa alyndy
«Shymkenttikter óz emhanasyna 20 mınýtta jetýi kerek». Osylaı degen qala ákimi qazir dárigerlerdiń júktemesin azaıtyp, medıtsınalyq kómektiń sapasyn arttyrý basty maqsat ekenin aıtady. Sondyqtan úshinshi megapolıste ár eldimekenge bir emhana salý josparlanyp otyr.
«Aldaǵy jospar - emhanalarǵa júktemeni 64 myńnan 21 myńǵa túsirý. Ár emhanada 21 myń adamnan aspaýy kerek. 2022 jyly 28-myńǵa jettik, al 2025 jyly 21 myńǵa jetýimiz kerek. Ol úshin ár eldimekende emhana salýymyz kerek», - dedi Murat Áıtenov.
Shymkenttiń bas dárigeri Nurlybek Asylbekov ár eldimekenge bir emhana salý jumysy qarqyndy júrip jatqanyn aıtady. Máselen, 60 myńnan astam halyq qonystanǵan Qaınarbulaq eldimekenindegi emhana qazir tek 3 myń patsıentke ǵana qyzmet kórsetedi. Sondyqtan, bul aýmaqqa úlken medıtsınalyq mekeme salý josparda bar.
Jalpy qazirgi tańda qalada 51 emhana qyzmet kórsetedi. Onyń 14-i memlekettik, 37-i jekemenshik. Biraq, qala ákimi qazir jekemenshik jáne memlekettik emhanalardyń halyqqa medıtsınalyq qyzmet kórsetýinde eshqandaı aıyrmashylyq joq ekenin aıtady. Sondyqtan, aldaǵy ýaqytta jekemenshik-áriptestik retinde salynatyn medıtsınalyq mekemeler sanyn arttyrý josparlanyp otyr.
«Kóbi jekemenshik emhanadan qashyp jatady. Bul durys emes. Qazir ekeýiniń de qarjylandyrylýy birdeı. ıAǵnı, barlyǵy jan basyna qarjylandyrý boıynsha qyzmet kórsetedi. Sondyqtan aıyrmashylyq joq», - dedi qala basshysy.