Shymkentte apatty jaǵdaıdaǵy mektepter máselesi tolyǵymen sheshilgen
Basqarmanyń málimetinshe, qaladaǵy demografııalyq ósimge baılanysty úsh aýsymdy mektepter sany 19 bolǵan. Bıyl qyrkúıek aıynda 4 mekteptiń máselesi sheshilgen. Atalǵan problemany sheshý maqsatynda qaladaǵy bilim mekemelerine jan basyna qarjylandyrý júıesin engizý arqyly jekemenshik mektepter jelisin arttyrý jáne bıýdjet esebinen mektep qurylysyn salý jumystary atqarylýda.
«Qazirgi tańda 11 jekemenshik mektepke 5 454 oqýshy memlekettik tapsyrys arqyly ornalastyrylǵan. Bıylǵyı jyldyń qyrkúıek aıynda 4 481 orynǵa memlekettik tapsyrys arqyly balalardy ornalastyrý boıynsha jumys istelýde. Osy júıe arqyly 2018 jyly 2 400 orynǵa arnalǵan 4 jekemenshik mektep ashylsa, bıyl ondaı bilim uıalarynyń qataryna taǵy jeteýi qosylǵan», delingen habarlamada.
Osylaısha jyl sońyna deıin jekemenshik mektepter esebinen úsh aýysymda oqytatyn 3 mekteptiń máselesin sheshý qarastyrylǵan.