Shymkentte anasy men eki balasynyń ólimine qatysty kúdikti Tarazdan ustaldy
ShYMKENT. QazAqparat - Shymkenttegi anasy men eki balasynyń ólimine qatysy bar degen kúdikti Tarazdan qalasynan ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, kúdiktiniń ne sebepti úsh adamdy birdeı óltirgeni anyqtalyp jatyr. Qazir kúdikti qamaýǵa alynyp, osy iske qatysty sotqa deıingi tergeý amaldary júrgizilýde.
Eske sala ketsek, aýyr qylmys osy jyldyń 8 aqpanynda Shymkenttegi jeke úılerdiń birinde úsh adamdy óltirip ketken bolatyn. Oqıǵa ornyna kelip jetken polıtseıler 50-55 jas shamasyndaǵy áıel men onyń 22 jáne 13 jastaǵy eki balasy ekenin anyqtaǵan. Keıin osy qylmysty jasaǵan kúdiktige izdeý jarııalanǵan edi.
