Shymkentte anasy men eki balasyn óltirgen kúdiktiniń isi sotqa joldandy
ShYMKENT. QazAqparat - Shymkentte anasy men eki balasyn óltirgen kúdiktiniń isi sotqa ótti. Endi úsh adamnyń ólimine sebepker aıyptalýshynyń isi Oblystyq qylmystyq ister jónindegi mamandandyrylǵan aýdanaralyq sotynda qaralatyn boldy, dep habarlaıdy QazAqparat tilshisi.
Atalǵan sottyń úılestirýshi sýdıasy Ábınur Qarabaevtyń sózinshe, 28 jastaǵy kúdiktige Qylmystyq kodekstiń 192 baby 2 bóligi 4 tarmaǵy («Qaraqshylyq») jáne 99 baby 2-shi bóligi 1-8-14 tarmaqtary («Adam óltirý») boıynsha aıyp taǵylyp otyr. Oǵan qatysty alǵashqy sot tyńdaýy erteń, 24 mamyrda ótedi dep belgilenip otyr.
Aıta keteıik, jaǵa ustatar qylmystyq oqıǵa aǵymdaǵy jyldyń 8 aqpan kúni bolǵan edi. Shymkenttegi jeke úılerdiń birinen 50 jastaǵy áıel men 22 jáne 13 jastaǵy uldarynyń máıitteri tabylǵan bolatyn. Tergeý barysynda osy qylmysqa qatysy bar degen kúdikti Taraz qalasynan ustaldy. Keıinnen seziktiniń marqum bolǵan 22 jastaǵy jigitpen tanys bolǵany ony jáne anasy men inisin aqsha úshin óltirgeni anyqtaldy.
