Shymkentte ana men bala óz páterinde ýlanyp qala jazdady
«Órt sóndirýshiler 1979 jylǵy áıeldi jáne onyń 3 jasar balasyn qaýipsiz jerge shyǵardy. Aldyn ala boljam boıynsha áıel adam masań kúıde bolyp, uıyqtap qalǵan. Balanyń jylaǵan daýysyn estigen kórshiler esigin qaqqan. Eshkim jaýap bermegen soń, órt sóndirý qyzmetine qońyraý shalǵan», - deıdi Shymkent qalasy TJD bastyǵynyń orynbasary Amanbek Beısembaev.
Oqıǵa Eńbekshi aýdanyndaǵy 17-shaǵyn aýdanda ornalasqan kópqabatty úıde bolǵan. Órt sóndirýshiler úshinshi qabattaǵy kók tútin tolǵan páterge saty arqyly kiredi. Anyqtalǵanyndaı, as bólmedegi gaz plıta sóndirilmeı qalǵan.
Qutqarý jumystaryna Shymkent qalasy TJD Órt sóndirý qyzmetiniń 14 qyzmetkeri men 4 tehnıkasy, Apattar medıtsınasy ortalyǵy fılıalynyń 3 qyzmetkeri men 1 tehnıkasy jumyldyryldy.
