Shymkentte alty shaǵynaýdanǵa elektr jelisi tartylady
ShYMKENT. QazAqparat - Bıyl Shymkentte alty shaǵynaýdanǵa elektr jelisin tartý jumystary júrgiziledi. Sondaı-aq 6 myńǵa tarta tutynýshy sapaly elektr jelisine qosylady. Bul týraly shahar basshysy Nurlan Saýranbaevtyń halyqqa bergen esebinde belgili boldy, dep habarlaıdy QazAqparat tilshisi.
Ákimniń sózinshe, elektr jelisin tartý jumystary Samal-1, Tassaı, Ońtústik, Bozaryq-1,2,3, Qaıtpas-1 jáne Nurtas shaǵynaýdandarynda júrgizý josparlanyp otyr. Buǵan deıin atalǵan aýdandardyń turǵyndardy jekemenshik transformatorlarǵa qosylyp, sapasy tómen ári tarıfi joǵary elektr qýatyn tutynyp kelgen. Qala basshysynyń esepti kezdesýinde Bozaryq qosalqy stantsııasynyń da jaıy da sóz boldy. Nurlan Saýranbaev bul rette Bozaryq jáne gaz tartý júıesiniń (AGRS) qurylysy jýyq arada sheshiletinin aıtty.
«Qosalqy stantsııanyń qurylysy bastalǵan. Alaıda merdiger kompanııa óz mindetin oryndamaǵyn sebepti Joǵarǵy sot sheshimimen josyqsyz dep tanyldy. Jaqyn arada taǵy konkýrs uıymdastyrylyp, merdiger anyqtalatyn bolady. Bozaryq stantsııasy iske qosylǵannan keıin Astana-1,2 qosalqy stantsııalarynyń qurylysy aıaqtalady. Nátıjesinde qalanyń soltústik bóligi sapaly elektr jelisimen qamtylatyn bolady. Al, gaz taratý júıesiniń qurylysy (AGRS) boıynsha oblystyq energetıka basqarmasy tarapynan jobalyq-smetalyq qujattar daıyndalýda»,- dedi qala ákimi.
