Shymkentte alkogol ónimderin shyǵaratyn jasyryn tseh anyqtaldy

ShYMKENT. QazAqparat – QR Sybaılas jemqorlyqqa qarsy is-qımyl agenttiginiń Shymkent qalasy boıynsha aýmaqtyq departamentiniń qyzmetkerleri Shymkent qalasyndaǵy Derbes kóshesindegi kafede astyrtyn tsehty anyqtap, qyzmetin toqtatty.

Astyrtyn tsehty 28 jastaǵy qala turǵyny uıymdastyrǵan, dep habarlaıdy QazAqparat.

Jasandy esepke alý-baqylaý tańbalary bar 6 ataýly myń bótelke alkogol ónimi, quramynda spırt bar 1200 lıtr suıyqtyq tárkilendi.

Qazirgi ýaqytta sotqa deıingi tergeý amaldary júrgizilýde.

2021 jyldyń basynan beri aýmaqtyq departament 11 astyrtyn tsehty anyqtady, zańsyz aınalymnan 20 myń bótelke kontrafakt, 900 lıtrden astam spırt jáne 20 myń EBM tárkilendi.

«Alkogol ónimderin qoldan jasaý memleketke úlken ekonomıkalyq zııan keltiredi jáne azamattardyń densaýlyǵyna eleýli qaýip tóndiredi. Qarjylyq monıtorıng agenttigi jalǵan alkogol ónimin óndirý derekteriniń jolyn kesýde. Bul zańsyz áreket úshin 2 jylǵa deıingi merzimge bas bostandyǵyn shekteý/aıyrý qylmystyq jaýapkershiligi qarastyrylǵanyn eske salamyz»,-delingen habarlamada.