Shymkentte alǵashqy ıadrolyq medıtsına ortalyǵy ashyldy
Shymkent qalasynyń ákimi Murat Áıtenovtiń aıtýynsha, joba memlekettik-jekemenshik áriptestik aıasynda júzege asty.
«Memleket tarapynan ortalyq ǵımaratyn turǵyzýǵa qarjy qarastyrylyp, ózge jumystar ınvestordyń qarjysyna atqaryldy. Qalamyzdaǵy bul ortalyq respýblıkadaǵy úshinshi iri ortalyqqa aınalmaq. Munda onkologııalyq aýrýlardy erte kezeńde anyqtap ǵana qoımaı, naýqastarǵa zamanaýı em-dom jasaýǵa múmkindik týyp otyr. Ásirese, sáýlemen emdeýge arnalǵan sońǵy úlgidegi jabdyq alyndy. Mamandardyń sózine súıensek, bul respýblıkada ǵana emes, Orta Azııada birinshi bolyp Shymkentte ornatylyp otyr. Geosaıası jáne pandemııa jaǵdaılaryna baılanysty ortalyqtyń ashylýy 4 aıǵa keshikti. Desek te, ınvestorlardyń qajyrly eńbegi úshin alǵysymdy bildiremin. Bir aptanyń ishinde 22 kisi em alyp úlgerdi. Sondaı-aq, qyzmetkerler arnaıy biliktilik arttyrý kýrstarynan ótti», – dedi Murat Dúısenbekuly.
Mamandardyń aıtýynsha, joba aıasynda radıofarmpreparattardyń keńeıtilgen jelisin jáne onkologııalyq aýrýlardy emdeýge arnalǵan joǵary dáldiktegi radıologııa ortalyǵyn paıdalana otyryp, radıonýklıdtik dıagnostıka ortalyǵyn qurý kózdelip otyr.