Shymkentte alǵashqy Qazaqstan - Ózbekstan óńiraralyq yntymaqtastyq forýmy ótýde
Jıyn eki eldiń kásipkerleri bas qosqan bıznes-forýmmen bastaldy. Buǵan UNESCO klasterlik bıýrosynyń dırektory Krısta Pıkkat pen Dúnıejúzilik týrıstik uıymnyń Jibek jolyn damytý jobasynyń jetekshisi (ıÝNVTO) Alla Peresolova, Travel Hunter (RF) kompanııasy bas dırektorynyń orynbasary Margarıta Polonık jáne ekotýrızm aqparattyq-resýrstyq ortalyǵynyń múshesi Dagmar Shraıber qatysty.
Sonymen qatar Jibek joly memleketteri bıznes qaýymdastyǵynyń ókilderi de arnaıy keldi. Forýmda taraptar týrızm salasyndaǵy jyl boıǵy jemisti yntymaqtastyǵyn qorytyndylady. Qatysýshylar paneldik sessııalarda Jibek joly boıyndaǵy memleketteriniń ózara seriktestigin, Ortalyq-Azııa aımaǵynyń Reseı men Eýropa elderi naryqtarynda týrónimderdi nasıhattaý máselelerin talqylap, salany damytý jónindegi sharalar jaıyn pysyqtady.
Sondaı-aq, Ózbekstannyń Jibek joly jobasy aıasynda týrızmdi damytý tájirıbeleri ortaǵa salyndy. OAAEY (TsARES) baǵdarlamasynyń óńirlik konsýltanty, Qazaqstandaǵy Azııa damý bankiniń ókili týrızm salasynda óńiraralyq jobalardy damytýdyń negizi retinde Ortalyq Azııadaǵy ekonomıkalyq dáliz jobacyn baıandap ótti. 
Forýmnyń qorytyndy bóliminde Jibek joly boıynsha Jańa transshekaralyq týr (Qazaqstan - Qyrǵyzstan - Ózbekstan - Tájikstan) tanystyrylady dep kútilýde.