Shymkentte alǵash ret jamby atýdan Azııa kýbogy ótip jatyr
ShYMKENT. QazAqparat - Naýryz meıramyn merekeleý aıasynda jáne ulttyq sport túrlerin dáripteý maqsatynda Shymkent qalasynda alǵash ret jamby atýdan Azııa kýbogy ótip jatyr. Bul týraly QazAqparat «Jamby atýdan» ulttyq federatsııaǵa silteme jasap habarlaıdy.
Jarysqa Iordanııa, Qytaı, Qyrǵyzstan, Mońǵolııa, Polsha, Reseı, Túrkııa, Ózbekstan, Saýd Arabııasy jáne Qazaqstannan úzdik at sadaqshylary keldi.
Azııa kýbogyn Jamby atý respýblıkalyq federatsııasy, Shymkent qalasynyń ákimdigi men Sport basqarmasy, Ulttyq sport túrleri qaýymdastyǵy, sondaı-aq Ulttyq jáne at sporty túrleri ortalyǵy uıymdastyrady.
Azııa kýbogynyń bas demeýshileri – «Alageum Electric» qazaqstandyq elektrotehnıkalyq holdıngi jáne «Elektromontaj» AQ («ELMO»).
Jamby atýdan Azııa kýbogynyń saltanatty ashylýy 20 naýryzda Shymkent qalasynyń ıppodromynda ótti. Jarys 3 kezeńnen turady. Azııa Kýbogyna at ústinde sadaq atýdan ataqty sportshylar – Mýstafa Enız ıÝrdakok (Túrkııa), Djang Lı (Qytaı), qazaqstandyq sportshylar Sarybaı Aıtbek, Aıkóz Eralhan, Babajan Baqdáýlet, Abzal Tólibekov, jáne belgili sadaqshy-qyzdar - Anna Sakolska (Polsha), Lıýbov Moroka (Iran) belsene qatysyp júr.
Aıta keteıik, «Jamby atý» ulttyq sport túriniń federatsııasy 2004 jyly Qazaqstanda qurylǵan QR Ulttyq sport túrleri qaýymdastyǵynyń quramyna kiredi.
