Shymkentte alǵash ret trıatlonnan qurlyqtyq týrnır ótedi

ShYMKENT. QazAqparat - Shymkentte alǵash ret trıatlonnan «Shymkent ASTC Triathlon Asian Cup» atty qurlyqtyq týrnıri ótedi. Azııalyq Trıatlon konfederatsııasynyń bastamasymen uıymdastyrylatyn jarys týraly bas tóreshi Sergeı Kobzev málimdedi, dep habarlaıdy QazAqparat tilshisi.

Elimizdegi Qazaqstanda trıtalon sporty men salaýatty ómir saltyn damytý maqsatynda ótkiziletin saıys Shymkent qalasynyń ákimdigi men «SPK Shymkent» AQ, Mádenıet jáne sport mınıstrliginiń Sport jáne dene shynyqtyrý isteri komıteti men QR Ulttyq olımpıadalyq komıteti, «Samuryq-Qazyna» ulttyq ál-aýqat qory» AQ men Shymkent qalasynyń trıatlon federatsııasy, Qazaqstan Trıatlon federatsııasynyń uıymdastyrýymen ótkizilmek.

Kásibı sportshylar arasynda bolatyn «Standartty» qashyqtyqtaǵy jarys úsh kezeńde ótedi. 1500 metr júzý men 40 shaqyrym velojarys, 10 shaqyrym júgirý boıynsha uıymdastyrylatyn synda jalpy 300-ge jýyq kásibı sportshy qatysady dep kútilýde. Baıraqty báseke «Jaılaýkól» saıabaǵy men «Naýryz» alańynda 2 kúnge jalǵasyn tappaq.