Shymkentte alǵash ret sheteldik azamattyń búıregi aýystyryldy
ShYMKENT. QazAqparat - Ońtústik Qazaqstan oblysynda alǵash ret sheteldik azamattyń búıregi almastyryldy, dep habarlaıdy QazAqparat tilshisi.
Shymkent qalalyq jedel medıtsınalyq kómek kórsetý aýrýhanasynda alǵash ret tiri donordan transplantatsııa jasaldy.
Izraıl turǵynyna Ýkraına azamaty donor boldy. Kúrdeli otany óńirdiń transplantolog-dárigerleri óz kúshterimen jasap shyqty. Qazirgi ýaqytta naýqastardyń jaǵdaıy qanaǵattanarlyq dep baǵalanyp otyr. Donor aýrýhanadan shyǵarylyp, ambýlatorlyq emdeýge joldandy. Al búırek almastyrǵan sheteldik statsıonarlyq em qabyldaýda.
Búgin bul naýqaspen oblystyq densaýlyq saqtaý basqarmasynyń basshysy Muqan Egizbaev pen birqatar dárigerler kezdesip, jaǵdaıymen tanysty. Aldaǵy ýaqytta óńirde medıtsınalyq týrızmdi odan ári damytý josparlanyp otyrǵanyn atap ótti.
«Shymkent qalalyq jedel medıtsınalyq kómek kórsetý aýrýhanasynda joǵary mamandandyrylǵan medıtsınalyq qyzmet kórsetý úshin barlyq jaǵdaılar jasalǵan. Sheteldik patsıentter úshin de ota jasaýdyń barlyq qolaıly jaǵdaılary qaralǵan. Onyń ishinde biregeı preparattardyń qory jasaqtalyp, servıstik palatalar bar. Baǵalary da qoljetimdi bolyp otyr. Ota quny 4,5 mln teńge turady. Al, Eýropa men AQSh-ta búırek transplantatsııasynyń ortasha quny shamamen 60-70 myń dollardy quraıdy. Qazirdiń ózinde birneshe naýqas kezekte tur. Olardyń arasynda Bolgarııa, Rýmynııa sııaqty birqatar sheteldik azamattar bar»,- dedi Muqan Keńesbekuly.
Eske salaıyq, 2013 jyldan beri Shymkent qalalyq jedel medıtsınalyq kómek kórsetý aýrýhanasynyń bazasynda 100-ge jýyq búırek almastyrý otalary jasaldy.
