Shymkentte alǵash ret býynǵa tiliksiz ota jasaldy
№1 qalalyq klınıkalyq aýrýhanasynda jasalǵan ota ny dárigerler jol apaty kezinde zardap shekken 19 jasar qyzǵa jasaǵan.
Jabyq ota kezinde mamandar boıjetkenniń aıaǵyndaǵy jarylǵan sińirin hırýrgııalyq jolmen baılap berdi. Jabyq operatsııa Almaty qalasyndaǵy Qazaq medıtsınalyq úzdiksiz bilim berý ýnıversıtetiniń m.ǵ.k professor Arman Abdýrazakovtyń jetekshiligimen ótti. Bilikti maman operatsııa jasaý arqyly jergilikti aq halattylarmen tájirbıe almasty.
Sheberlik sabaǵy kezinde bilikti mamannyń jetekshiligimen aýrýhana bazasynda 2 patsıenttiń tize býynyna tiliksiz ota jasaldy. Bul otalardy jasaý úshin travmatologtar «artroskop» apparatyn qoldanyp, aıaqtaǵy jaraqatty hırýrgııalyq jolmen emdep berdi.
«Buǵan deıin mundaı otalardy jasaý úshin ezilip ketken jilikshelerdi tizeni tilip, býyndardy ashyp baryp alatyn. Endi deneniń eki-aq jeri tesiledi. Bul ádis naýqastardyń erterek aıaǵynan tik turyp ketýine paıdasy kóp jáne denege tyrtyq túspeıdi»,-deıdi mamandar.
