Shymkentte áleýmettik jeli arqyly qyz-kelinshekterdi tonaǵan turǵyn ustaldy
Jábirlenýshilerdiń biri 28 jastaǵy boıjetken ál-Farabı aýdandyq polıtsııa bólimshesine aryzdanyp kelgen. Ol óz aryzynda belgisiz bireý qala ortalyǵyndaǵy Ordabasy alańynda tanysyp, senimine kirgen. Artynsha altyn buıymdaryn aldap alyp, belgisiz jaqqa ketip qalǵan.
Jedel izdestirý sharalaryn júrgizgen tártip saqshylary 1985 jyly týǵan kúdiktini qolǵa túsirdi. Ustalǵan sezikti buryn sotty bolǵan Saıram aýdanynyń turǵyny ekeni anyqtaldy. Tergeý barysynda onyń alaıaqtyq boıynsha 8 jaıtqa qatystylyǵy belgili boldy.
Jaýap alý barysynda 32 jastaǵy kúdikti jábirlenýshilerdi qalaı taýyp otyrǵanyn aıtypty. Belgili bolǵandaı, ol áleýmettik jeliler arqyly qyz-kelinshektermen tanysyp, kezdesýge shaqyryp otyrǵan. Belgilengen jerde kezdesip, uıaly telefondaryn nemese altyn buıymdaryn alyp ketip otyrypty. Al, taǵy bir jaǵdaılarda uıaly telefondaryn satamyn degen turǵyndarmen kezdesip, olardyń da baılanys quralyn qoldy etip kelgeni anyqtaldy. Urlanǵan zattardy satyp, jeke basyna jaratqan. Qazirgi tańda seziktiniń ústinen Qylmystyq kodekstiń 190-baby «Alaıaqtyq» boıynsha is qozǵalyp, tergeý amaldary júrgizilýde.