Shymkentte áleýmettik jańa avtobýs baǵyttary ashylmaq
ShYMKENT. QazAqparat - Shymkent qalasynda áleýmettik jańa avtobýs baǵyttary ashylmaq. Bul týraly qalalyq jolaýshylar kóligi jáne avtomobıl joldary bólimi basshysynyń orynbasary Jarqyn Baıdýllaev málim etti, dep habarlaıdy QazAqparat HAA tilshisi.
Sheneýniktiń sózinshe bul shara qala aýmaǵyna jańadan qosylǵan eldimekenderdi qoǵamdyq kólikpen qamtamasyz etý maqsatynda qolǵa alynyp otyr.
- Shymkent qalasynyń Bas josparyna sáıkes, qala aýmaǵy úsh esege derlik ulǵaıyp otyr. Oblys ortalyǵy aýmaǵyna jańa 40 eldimeken qosyldy. Sol sebepten de, qalanyń shalǵaı mekenderin qoǵamdyq kólik qyzmetimen qamtý jumystary ózekti bolyp tar, - deıdi qalalyq jolaýshylar kóligi jáne avtomobıl joldary bólimi basshysynyń orynbasary Jarqyn Baıdýllaev.
Óz kezeginde, bólim tarapynan bul máseleniń jedel sheshimi retinde on áleýmettik jańa baǵytty ashý usynylýda. Aldaǵy ýaqytta atalmysh joba oblys máslıhatynyń kezekti sessııasynyń kún tártibinde qaralatyn bolady.
