Shymkentte aldaǵy úsh jylda turǵyndardy tabıǵı gazben qamtý deńgeıi 96 paıyzǵa jetedi

ShYMKENT. QazAqparat – Shymkentte aldaǵy úsh jylda qala turǵyndaryn tabıǵı gazben qamtý deńgeıi 92,1 paıyzdan 96,0 paıyzǵa jetedi. Bul másele qalalyq máslıhattyń 58 sessııasynda sóz boldy, dep habarlaıdy QazAqparat tilshisi.

Sala basshylarynyń aıtýynsha, 2020 jyly qalanyń qoldanystaǵy gaz júıesiniń qysymyn kóterý úshin joǵary qysymdy magıstraldy gaz qubyryn jáne №3 AGRS-tyń qurylysy bastalady. Kólik ınfraqurylymynyń qol jetimdiligin qamtamasyz etý úshin úsh jylda 1 300 shaqyrym shaǵal tas jáne topyraq joldardy asfalttaý josparlanǵan.

Budan bólek, sessııa barysynda 2020 jyly Shymkenttegi «Metallýrg» jáne «Qajymuqan» stadıony qaıta jóndeýden ótetini málim boldy. 2020-2021 jyldary 590 avtobýs alý josparlanyp otyr. Sondaı-aq, depýtatattarǵa aýyl sharýashylyǵyn sýbsıdııalaýǵa 4 226 mln teńge qaralatyny aıtyldy.

Bul qarajattar birinshi kezektegi azyq - túlik taýarlarynyń qorlaryn qurýǵa jáne baǵalardy turaqtandyrýǵa jumsalmaq. Qala basshylyǵy halyq qalaýlylaryna turǵyndardy sapaly aýyzsýmen qamtý máselelesi týraly da aıtyp ótti. Atqarylýy tıis aýqymdy jumystardyń nátıjesinde sýdy tasyp iship otyrǵan turǵyndar men aýyzsýmen jartylaı qamtylǵan 9 eldi mekendegi 28,3 myń halyqqa tolyqtaı sýmen qamtamasyz etiletin bolady. Bul maqsattarǵa bıýdjetten 3 773 mln. teńge qaralǵan.